O Concello de Ribeira e a Asociación de Empresarios de Ribeira compartiron as bases dos concursos de escaparatismo comercial e de decoración hostaleira encadrados na Feira Artesanal e Mariñeira Artemar 2022, que se vai levar a cabo entre o 18 e o 21 de agosto nas rúas céntricas da cidade.
Segundo se indica nas bases, a decoración dos locais deberá efectuarse polo menos durante os días que dure a Feira Artemar 2022, entre os días 8 (a partir das 20:00 h) ata o 21 de agosto. Para participar deberemos inscribirnos antes das 13.00 horas do venres 22 a través do seguinte contacto: Sandra Fernández. Tel.: 686 587000 Correo electrónico: turismo@ribeira.gal.
Esta mesma información pendurarase a finais desta semana na páxina web municipal, www.ribeira.gal.
Os concursos están organizados polo Concello e a Asociación de Empresarios de Ribeira.
Tanto no de comercios coma no de establecementos hostaleiros adoptarse o mesmo sistema de valoración: para a valoración da decoración dos distintos establecementos empregarase o sistema de votación popular. Así, os cidadáns poderán elixir a mellor decoración do comercio e de local hostaleiro a través dunha papeleta que poderán atopar no stand da Asociación Riveira Escríbese con V e depositala nunhas urnas habilitadas ao efecto, ao longo do evento.
Ao gañador do concurso de escarapatismo comercial entregaráselle un premio por ser o mellor escaparate ou local decorado da feira e tamén se lle fará entrega dun diploma acreditativo.
A entrega dos premios celebrarase nun acto público convocado ao efecto que se comunicará en datas vindeiras. O evento será publicado nas diferentes redes sociais e páxinas web. Os nomes dos establecementos participantes figurarán nos folletos de difusión ao público en xeral.
