O Colexio Ana María Diéguez de Asados amplía comedor

O Concello de Rianxo comunicou esta semana pasada o inicio das obras para a ampliación do comedor do Colexio Ana María Diéguez de Asados, co obxectivo de dar servizo aos case cincuenta usuarios do mesmo. A cargo do orzamento municipal o Concello está a realizar obras para mellorar a capacidade do comedor.

Dende o Goberno local engaden que “debido ao aumento da demanda existente e de acordo coa ANPA do Centro estase a realizar un novo tabicado ampliando os espazos que a instalación tiña dedicada a comedor”. Permitirase así chegar ás 46 crianzas que demandan a día de hoxe o servizo e avanzar na conciliación familiar, informou o Concello.