Cristina Pichel visita o campo de voluntariado de Ribeira

A directora xeral de Xuventude, Participación e Voluntariado, Cristina Pichel, visitou estre 11 de agosto os 15 mozos e mozas de entre 18 e 30 anos que participan no campo de voluntariado de #Corrubedo en Ribeira. Desde o 6 deste mes até o mércores 17, os participantes realizan actividades en plena natureza cun importante valor medioambiental, cultural e patrimonial. Pichel estivo acompañada polo alcalde Manuel Ruiz, e a concelleira María Sampedro

As e os participantes na iniciativa centran as súas actuacións no Parque Natural de Corrubedo e Lagoas de Carregal e Vixán. Durante a súa estadía realizan labores de mantemento dos espazos naturais, reconstrución e consolidación de sendas, eliminación de especies alóctonas, vixilancia de lumes e informan e sensibilizan aos visitantes.

Ademais, os participantes desenvolven actividades complementarias de lecer como observación estelar, actividades grupais guiadas, navegación pola Ría de Arousa, deportes acuáticos como paddle surf ou caiac, rutas culturais e históricas ou visitas ao Centro de interpretación do Ecosistema Litoral de Galicia, entre outras.

Cristina Pichel puxo en valor “a importante dimensión cultural, medioambiental e internacional do campo de voluntariado”.