Comezaron en Outeiro (Taragoña) as obras de abastecemento de auga

O Concello de Rianxo comunicou o inicio das obras de abastecemento en Outeiro, Taragoña. A empresa encargada dos traballos é Nemesio Ordóñez, Nosa, adxudicataria da licitación realizada ao Abeiro do Plan Único da Deputación-Concello de Rianxo.

A actuación ten un importe aproximado de 50.000 euros e prevé chegar co abastecemento ao cruce coa estrada AC 305. Contempla despois da obra a reposición completa do pavimento existente e dará servizo a unhas trinta vivendas. O prazo máximo é de catro meses para a execución.