Vinte e cinco veleiros peregrinarán de Baiona a Compostela no II Roteiro Rías Baixas con paradas en Combarro, Rianxo, A Pobra do Caramiñal, Muros e Portosín

03 Xullo 2022

Vinte e cinco veleiros emprenderán este luns 4 de xullo desde Baiona unha peregrinación por mar rumbo a Santiago de Compostela con diferentes etapas que pasarán por Combarro, Rianxo, A Pobra do Caramiñal, Muros e Portosín.

Trátase da segunda edición da Roteiro Rías Baixas, unha iniciativa turístico-deportiva de carácter lúdico que busca divulgar a cultura mariñeira, promover o turismo náutico, impulsar o deporte da vela e dar a coñecer as potencialidades dos portos galegos.

Organizada polo Monte Real Club de Iates, o Real Club Náutico de Portosín e a asociación Camiño de Santiago Ría Muros-Noia grazas ao patrocinio de Cenor, a travesía unirá “turismo, natureza, deporte, gastronomía, relixión e tradicións… algúns dos mellores reclamos dos que pode presumir Galicia”, en palabras do presidente do Mrcyb, José Luis Álvarez.

Na primeira edición do roteiro, celebrada o ano pasado, participaron 24 embarcacións, e este ano serán 25, chegando á cifra límite establecida pola organización para poder ofrecer aos participantes unha experiencia de calidade, tanto na navegación como nas diferentes escalas. As tripulacións partirán de Baiona, dos pantaláns do Monte Real, a mañá do luns 4 de xullo rumbo a Combarro, o martes día 5 completarán as 32 millas que separan Combarro de Rianxo; e o mércores día 6 terán como destino final A Pobra do Caramiñal.

Navegarán sempre acompañados por dúas embarcacións de apoio e un barco nodriza e Muros e Portosín serán os dous últimos portos en programa, para facer a última escala e completar a peregrinación por mar. Desde Portosín xa só quedaralles emprender camiño a Compostela, esta vez por terra, para poder gañar o xubileu, algo que farán o sábado 9 de xullo.

Coas case 120 millas percorridas por mar, os participantes terán a posibilidade, se así o desexan, de conseguir a Compostela, para a que se esixe un mínimo de 90 millas náuticas, selando a cada paso a súa credencial de peregrinos.

O II Roteiro Rías Baixas foi presentada oficialmente este xoves no Monte Real Club de Iates, nun acto no que estiveron presentes, ademais do presidente do MRCYB, José Luis Álvarez; e o comodoro do RCN Portosín, Fernando González; o vicepresidente da Asociación Camiño de Santiago Ría Muros-Noia, José Santiago Freire; a directora de márketing de CENOR, Leticia Fernández; o alcalde de Baiona, Carlos Gómez; o xefe territorial de Turismo de Galicia, Felipe Ferreiro; a deputada Raquel Giraldez; e o comodoro do MRCYB, Ignacio Sánchez Otaegui.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...