Ribeira mostra en Barcelona a súa experiencia en planificación estratéxica e xestión de fondos europeos

28 Xullo 2022

O Concello de Ribeira foi convidado pola Deputación Provincial de Barcelona para intervir e relatar a súa experiencia no Primeiro Foro de Axendas Urbanas Locais, celebrado no Paraninfo da Escola Industrial da cidade condal. O convite veu dado pola traxectoria do Concello de Ribeira en canto á planificación estratéxica e xestión de fondos europeos. Ao fío disto, dende o Consistorio salientan que a cidade atópase arestora en pleno proceso de elaboración da Axenda Urbana Ribeira Atlántica co seu correspondente Plan de Acción Local, tendo a particularidade de que “é o único dos 122 proxectos piloto de Axenda Urbana que se están a desenvolver en España que está sendo financiado con fondos propios”.

A intervención do técnico municipal Jorge González Mariño nunha imaxe de Pau Fabregat

O obxectivo do encontro celebrado en Barcelona foi permitir que os concellos compartisen experiencias e puxeran en valor o traballo dos municipios con respecto á axenda urbana e a implementación de proxectos. A xornada foi inaugurada pola ministra de Transportes, Mobilidade e Axenda Urbana, Raquel Sánchez, e pola vicepresidenta da Deputación Carmela Fortuny. Incluíu relatorios e mesas redondas, así como dous obradoiros sobre a gobernanza multinivel e traballo en rede e sobre o seguimento dos plans de acción. A participación do Concello de Ribeira encadrouse neste último taller, no que o técnico municipal Jorge González Mariño (adxunto ao interventor e xefe da área de Planificación, Presupuestos e Fondos Europeos), afondou a partir da experiencia ribeirense nas claves para financiar o despregue de proxectos estratéxicos, asegurar o seguimento dos plans de acción e a implantación de modelos de gobernanza participativa.

Neste mesmo taller tamén tomaron parte representantes dos concellos de Ermua, Alfaro e Sant Feliu de Llobregat, da Deputación de Barcelona e das entidades especializadas en desenvolvemento tecnolóxico e transformación urbana Tecnalia e TECH Friendly.

No foro de Barcelona tamén participaron representantes da Oficina ONU- Habitat en España, do Ministerio de Transportes, Mobilidade e Axenda Urbana e da Generalitat de Catalunya, ademais de alcaldes e alcaldesas de municipios barceloneses.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...