“Obxectivo: frear a medida comunitaria que leva ao sector pesqueiro á ruína”- Antón Luaces

04 Xullo 2022

Para o sector pesqueiro español o actual é un dos peores momentos emanados do Consello de Pesca desde a creación do mesmo: o peche de 94 caladoiros de pesca comunitario, o que xera que nove de cada dez barcos gransoleiros (80 galegos e 18 vascos) quedarían sen caladoiros .

Porque unha boa parte deses 94 caladoiros de pesca comunitarios que a devandita CE pretende pechar están na zona dos cantís na que, acotío, pescan tanto os barcos de artes fixas como os palangreiros e volanteiros. Un feito que se traduce nun ”mazazo” para a maioría das organizacións pesqueiras dos Estados membros da UE.

Deste xeito, a maiorías das zonas quedarán vedadas ao acceso ás mesmas e, amais, van producirse problemas de cohabitación para os arrastreiros a consecuencia dos peches porque os arrastreiros terían que ir a outras zonas nas que coincidirían con artes en moitos casos incompatibles.

A excepcionalidade da votación no seo da Comisión de Pesca da Unión Europea permite un mínimo de confianza sobre a decisión que finalmente adopte o organismo pesqueiro comunitario. Aínda está todo por decidir, o que é tanto como pensar que esa decisión “está no aire”. Porque a Comisión Europea só pode aplicar tal acordo se o fai de xeito unilateral, o que resulta sumamente difícil ao non existir maioría cualificada. Tamén se pode tramitar novamente e presentar diante dos países para unha nova votación.

O peche desa zona de pesca abrangue desde o Norte de Irlanda ata as costas de Portugal, cuestión esta que fixo que , por exemplo, as organizacións pesqueiras francesas se opuxeran rotundamente, o mesmo que aconteceu en organizacións de Ámbito europeo como Europêche ou Cepesca, por non citar á Federación Nacional de Confrarías de Pescadores tendo en conta, amais, que a decisión comunitaria de peche aínda contando co voto favorable de Francia non dispón da asunción deste voto por parte dos mariñeiros galos.

Nas previsións do ministerio español de Agricultura, Pesca e Alimentación, no caso de seguir avante a proposta da CE, nove de cada dez buques gransoleiros (80 galegos e 19 do País Vasco) quedarían sen caladoiro. A decisión deste peche partiu da DG Mare da UE, en concreto da responsable deste departamento, Charlina Vitcheva, que o pasado mes advertiu aos países de tal medida, instándoos á súa aprobación, e dando a coñecer que a intención da CE era pechar esas áreas para protexer os ecosistemas mariños vulnerables. As zonas sinaladas contan co beneplácito do Consello Internacional para a Exploración do Mar (ICES), cuxas avaliacións están baseadas en datos que atinxen a todo o Atlántico e, en concreto, á frota de arrastre, malia que ese peche afectaría ao 70% das capturas destas frotas.

A decisión causaría un forte impacto en todos os portos galegos, pero dun xeito moi especial nos de Vigo, A Coruña, Celeiro, Burela e Ribeira. Por este motivo, a Xunta e as asociación da frota asinarán estes días un manifesto en defensa da actividade extractiva.

Polo de agora, a polémica medida mantense “conxelada”. A última votación do Consello non acadou a maioría cualificada necesaria para ser considerada favorable ou contraria ao texto, feito extremadamente raro nos procedementos lexislativos.

Este luns van celebrarse distintas reunións telemáticas nas que tentar frear unha medida que, para a directora xeral de Asuntos Marítimo e Pesca na Comisión, a xa citada Charlina Vitcheva, é de “impacto económico limitado”, opinión que non comparte o sector pesqueiro e que deixan en evidencia as cifras.

Outros artigos

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

+

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...

+

El voto del BNG avala a Maduro”. José Castro López

El pasado día 17 el presidente venezolano, Nicolás Maduro, fue proclamado candidatodel chavismo para las elecciones de julio. Tres días después la Alta Comisionada de lasNaciones Unidas para los Derechos Humanos pedía un proceso electoral “transparente,inclusivo y...

+

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...

+

Publicidade

Revista en papel

Opinión

“Derechos o privilegios”. José Manuel Pena

“Derechos o privilegios”. José Manuel Pena

Tanto en Europa como en el resto de los países del planeta se está a vivir una lucha desigual en la organización política y social; mientras unos responsables políticos y gobernantes abogan por el mantenimiento de los privilegios, otros defienden los derechos...