O colectivo de veciños e veciñas afectados pola baixa do médico de Palmeira insta ao alcalde a resolver a situación do Centro de Saúde

07 Xullo 2022

O colectivo de veciños e veciñas afectados pola falla do médico no Centro de Saúde de Palmeira acusan ao alcalde de Ribeira, Manuel Ruiz, de incumpir o compromiso público asumido o pasado luns na xuntanza de usuarios que tivo lugar na Casa do Mar, durante a que un membro do seu goberno, María Sampedro, Primeira Tenente de Alcalde, asegurou que a baixa do facultativo sería resolta nos próximos días.

Os veciños e veciñas, que levan semanas mobilizándose, lamentan que, máis unha vez, o alcalde practique a política de “balóns fóra” e non só delegue en terceiras persoas a súa presenza nas reunións, senón que, ademais, traslade unha información e asuma a adopción de medidas que logo non leva á práctica, alén dos “grandes titulares” en prensa.

Este colectivo lembra que xa logo da primeira reunión de veciños e veciñas, que tivo lugar o pasado 22 de xuño, se puxeron en contacto co concello para pedir unha reunión con Ruiz, para que mediara e presionara á Xunta para que Palmeira volva contar cun médico no seu Centro.

Para os usuarios e usuarias afectados, “a calada por resposta” recibida polo alcalde déixaoos desamparados institucionalmente, xa que o alcalde é a figura política máis próxima aos cidadáns e cidadás, e demostra o seu talante “arrogante” e o desprezo que sinte e practica especialmente cos temas que afectan ás parroquias do concello.

Os veciños e veciñas lembran que non hai motivos que xustifiquen a demora ou peche do Centro –como aconteceu cos casos de Taragoña e Cabo de Cruz-, pois hai un número de cartillas suficiente, mais non é de recibo que un mes e medio despois da baixa do médico titular, que previsiblemente será longo, non haxa xa outra persoa atendendo aos doentes.

A situación de Palmeira súmase á crise xeral da Atención Primaria, polo que este colectivo se sumou á recollida de firmas da Plataforma da Sanidade do Barbanza para facer máis forza, ante a gravidade do asunto do que se trata, “pois a sanidade e a calidade da súa atención é algo co que non se pode xogar”.

Os veciños e veciñas de Palmeira -que hoxe estiveron no Parlamento de Galicia convidados polo grupo do BNG-, alén de participar na próxima manifestación de SOS Sanidade Pública, continuarán coas súas propias accións reivindicativas ata que este Centro de Saúde volva contar cun facultativo, tal e como se comprometeu o goberno municipal o pasado luns.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...