Inaugúrase este venres o renovado auditorio da Casa de Rosalía en Padrón

Xa está todo listo para que este venres se abra ao público e quede inaugrado o renovado auditorio da Casa de Rosalía en Padrón. E que vai ser o primeiro dos moitos actos e citas que van ter lugar na vila natal da poeta durante toda esta fin d

De feito, e case coincidindo coa data na que se conmemora o falecemento da escritora o 15 de xullo de 1885, o conselleiro de Cultura, Román Rodríguez, visitaba este xoves a casa-museo onde comprobou o resultado da rehabilitación do seu auditorio no que a Xunta destinou 100.000 euros ao abeiro dun convenio de colaboración asinado coa Fundación Rosalía de Castro.

A reforma do edifício permitiu aumentar a capacidade do espazo, para o que se realizou unha readecuación completa do interior do auditorio. Introducíronse melloras que teñen que ver co confort térmico da sala, illamento, calefacción e ventilación de acordo ás novas demandas e normativas. Tamén se realizaron adaptacións de mellora do confort acústico en tanto se trata dun lugar cunha demanda continua para os usos musicais e de comunicación oral e audiovisual.

e semana. Programa co que se vai pechar a conmemoración do 50 aniversario desde que abrira a súas portas esta casa-museo adicada a Rosalía de Castro e que coincide coa data do seu falecemento.