O PP de G critica ao BNG por “utilizar electoralmente” cada catro anos a illa da Creba en Muros

06 Xullo 2022

O Partido Popular, a través da voceira de Medio Ambiente, Marisol Díaz Mouteira, criticou ao BNG por “utilizar electoralmente cada catro anos a illa da Creba en Muros, unha propiedade privada inscrita no Rexistro da Propiedade e que non presenta valores naturais que xustifiquen a súa expropiación”. E engadiu:; “Non se entende o dobre criterio do BNG con respecto ás illas: na Creba pide que o privado sexa público, mentres que nas illas de Ons piden que as concesións sexan privadas”, apuntou.

Díaz Mouteira lembrou que a illa da Creba “sempre foi da familia Canay e o actual propietario mercouna en 1966, coa conseguinte inscrición no Rexistro da Propiedade”. Deste xeito, afirmou que “ninguén debería dubidar da titularidade privada desta illa, salvo a zona circundante máis externa, que é igualmente privada pero está sometida á servidume marítimo terrestre prevista na lexislación vixente”

Lembramos que o BNG defendeu no Parlamento galego unha proposición non de lei que insta á Xunta a iniciar o correspondente procedemento para que a illa da Creba, situada na ría de Muros-Noia, volva á titularidade pública da Administración galega, así como “a que elabore de inmediato un informe de todas as obras, actuacións e actividades que se levaron a cabo e se seguen desenvolvendo na illa por parte da actual propiedade particular e comprobar se as mesmas conta con todos os permisos e autorizacións obrigatorias”. De igual xeito, o Bloque avogou por que o Executivo galego realice “todos os estudos necesarios relativos aos valores medioambientais da illa e dos fondos mariños que permitan valorar a súa cualificación como espazo protexido, segundo a lexislación vixente”.

Rosana Pérez apelou ao acordo unánime adoptado na propia Cámara galega en 2007 para restituír a titularidade pública da illa da Creba e advertiu que “despois de 15 anos da súa aprobación, non só non temos avanzado, senón que obras de todo tipo continúan a levarse a cabo na illa sen que se saiba baixo que paraugas legal”.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...