Coroso xa loce as dúas bandeiras (azul e verde) que recoñecen a calidade da praia, dos seus servizos e do seu paseo

08 Xullo 2022

A praia de Coroso (Ribeira) acolleu este mediodía o izado dos dous distintivos que este ano a Asociación ADEAC concedeu ao Concello de Ribeira: dun lado a bandeira azul coa que distinguiu este areal e, doutro, o novo galardón sendeiro azul que enxalza as calidades do paseo litoral que vai até a praia de Río Azor. O alcalde Manuel Ruiz e máis o concelleiro de Turismo, Ramón Doval, foron os encargados de subir ambas bandeiras.

Ruiz Rivas recordou “que a bandeira azul será a única que ondeará nos areais de Barbanza porque cada vez é máis difícil cumprir todos os requisitos que require este distintivo”, e lembrou tamén “que Ribeira é o concello de toda a bisbarra que máis socorristas ten, e aínda así estamos practicamente á metade dos que había fai cinco ou seis anos”. Concretamente, dixo, hai 16 socorristas, incluíndo os xefes de praia, e 6 auxiliares terrestres, que velarán dende este 8 de xullo pola seguridade das praias da Ladeira, Vilar e Coroso.

O alcalde aproveitou para comunicar que reiterará ás autoridades competentes “a posibilidade de utilizar medios mecánicos na limpeza de Coroso” xa que, aparte dos lugares nos que tradicionalmente había herba e dan acubillo ao aniñamento da píllara, pódese observar como a vexetación vaise estendendo por toda a praia”. Ruiz Rivas subliñou a este respecto a necesidade de “alcanzar unha entente razoable”, e que se poida compatibilizar a preservación animal co uso deste areal urbano polas persoas.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...