Boiro acolle esta fin de semana a concentración motera 2022 que organiza BoiroMotos con actividades para todos os públicos. O alcalde, José Ramón Romero, e os membros da organización, José Viturro e Óscar España, participaron esta mañá na presentación do programa.
As actividades comezan o venres día 22 a partir das 18.00 horas con exhibicións no recinto acoutado e pola noite verbena con Tito Maverick. O sábado 23 haberá unha exposición de coches e motos clásicas na praza da Boqueira de A Negral no Parque da Cachada haberá curso de seguridade viaria para nenos e nenas, inchables e adestramentos con coches Radio Control.
Esta concentración é un dos eventos máis importantes do verán en Boiro debido á afluencia de público. O alcalde, José Ramón Romero, convidou a toda a veciñanza a achegarse esta fin de semana e desfrutar do programa de actividades “tanto se vindes en moto como se non xa que hai actividades para todas as idades”.
As actividades xerais son gratuítas, aquelas persoas que desexen inscribirse para as comidas e ceas no recinto poden facelo no propio momento da chegada. O programa completo de actividades e toda a información sobre a Concentración Motera de Boiro 2022 está a disposición das persoas interesadas en www.boiromotos.com.
