O Conservatorio de Aguiño acolleu esta fin de semana a presentación do libro de Carlos Callón O libro negro do galego, acto organizado pola Asociación Francisco Lorenzo Mariño .
Houbo algo mais de medio cento de persoas e o acto que durou unha hora contou como mestre de cerimonias a Unai González quen fixo a presentación do autor e do libro en nome da asociación e como amigo e compañeiro de instituto. Interveu tamén Xesús Laiño en nome de Barbantia pero tamén como profesor dos dous no instituto a quen Callón chamou “sabio” e que tivo moito que ver na súa querencia polo galego.
Unai González tamén falou daquela época con Carlos e do seu libro, citando varios artigos nos que fala de don Francisco, de que Aguiño foi o primeiro templo cristián, igrexa de Galicia en ter rotulado todo en galego, de que miraba en galego e de anécdotas de don Francisco que non están no libro.
O libro negro dá lingua galega, é unha obra que se centra na represión existente cara á lingua galega desde 1543 ata a actualidade.
Carlos Callón reivindica a situación de “perigo” na que se atopa o idioma galego, preto dun punto de “non retorno”. O autor explica que o obxectivo principal da obra, dividida en 15 capítulos, é “transformar o presente mediante o coñecemento do pasado”.
