A Rede Cultural da Deputación chega aos concellos nos meses de verán con 534 espectáculos

04 Xullo 2022

A Rede Cultural da Deputación 2022 chega aos concellos nos meses de verán con 534 espectáculos e “co fin de promover que toda a cidadanía da provincia da Coruña teña acceso a unha programación cultural de calidade, independentemente da localidade na que resida”, en palabras do deputado Xurxo Couto. O departamento do que é responsable inviste este exercicio no seu circuíto artístico para os municipios un total de 1.509.836 €.

Propostas escénicas, audiovisuais, música, danza, ou maxia conforman a oferta, repartida nos catro programas do catálogo: ‘Escena ao vivo!’ (para espectáculos profesionais de teatro, música, monicreques, maxia, danza e circo), 324 actividades; ‘Visións’ (para cinema e contidos audiovisuais), 115 actividades; ‘Lingua a Escena!’ (para espectáculos profesionais de música, teatro, danza, narración oral e monicreques con contidos específicos orientados á dinamización social da lingua galega), 67 actividades; e ‘Alicerce’ (para grupos de música, danza e teatro non profesionais), 27 actividades.

“Trátase”, afirmou Couto, “dunha programación que é o espello do noso panorama cultural actual, desde propostas tradicionais ás máis innovadoras”.  A oferta musical inclúe concertos de  Chicharrón, Xabier Díaz & Adufeiras de Salitre, Sés, Guadi Galego, Tálesien, Magín Blanco, Boyanka Kostova, Leilía, Mercedes Peón, Uxía e Javier Ruibal, Luar na lubre, Ruxe Ruxe, Milladoiro ou De Vacas.

As principais propostas da escena galega, da danza, do circo e da maxia forman parte tamén do catálogo desta edición da Rede Cultural, con espectáculos como os de Marcos Pereiro, Oswaldo Digón e Santi Romay e a súa montaxe “Coleccionistas: a arte feita comedia”, Contraproducións, Teatro do Noroeste, Moc Moc MeRe Clown, Peter Punk Pallaso, N+1 Teatro Circo Danza, Desastronauts, Elahood, Mago Antón o Dani Polo.

“Cuñados”, de Toño López, é unha das propostas más solicitadas polos concellos, dentro dunha programación na que tamén se exhibirán “Pinocchio”, “Bella e o circo máxico”, “El cuarto de la mona”, “Quien a hierro mata” ou “Goomer”. O programa non se esquece da cativada, para os que hai reservada unha ampla oferta con  Barafunda, Paporrubio, Bellón Maceiras e Mamá Cabra, Pakolas, A Gramola Gominola ou Teatro Ghazafelhos.

O verán volver ser, un ano máis, a época na que máis se concentran as propostas da Rede Cultural: só nos meses de xullo, agosto e setembro,  ofrecerá 534 espectáculos, dos 1.263 que forman o programa anual.

A axenda completa de actividades e toda a información sobre cada espectáculo en particular pódese consultar en: https://dacoruna.gal/axendaredecultural

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...