As Carrilanas e o seu Gran Prix da localidade muradá de Esteiro regresan este verán tras dous anos de pandemia.
O cartel musical do Festival dás Carrilanas entre os días 15 e 17 de xullo, fará que soen en Muros algunhas das bandas e autores galegos máis relevantes na actualidade, acompañados doutras bandas cunha variada oferta musical na que primará a festa.
Así, o coruñés Xoel López e os barbanceses Heredeiros da Crus aparecen como cabezas de cartel, aínda que a segunda liña de nomes ben poderían acompañar á primeira, xa que a presenza da cantautora coruñesa Sés e o inclasificable e, segundo os organizadores, “sen dúbida, ou mais demandado para este festival” Ortiga, vese completada cos cataláns Itaca Band coa súa proposta de reagge- ska, Venturi, banda madrileña do punk-rock e, sobre todo, tres bandas muradás que deron ou van dar moito que falar.
RES BANDAS LOCAIS NO CARTEL
O Festival das Carrilanas contará con algunha das bandas locais que máis impacto tiveron nos últimos anos como é o caso de o garaxe-punk de Terbutalina e The Rapants e a súa proposta pop-rock mesturada sons discotequeros, e o pop de Capital Voskov.
Xunto a todos eles, a compostelás Banda dá Loba completan o cartel do Festival dás Carrilanas que, como din os seus organizadores, “fíxose de rogar”, pero que mereceu a pena xa que supón “un festival para toda a familia.