O comercio de Ribeira achega descontos, produtos de calidade e lecer para a rapazada nunha nova edición da Noite Aberta

02 Xuño 2022

Este 2 de xuño presentouse en Ribeira un dos grandes eventos comerciais e empresariais da tempada na nosa comarca: a edición 2022 da Noite Aberta, a campaña de dinamización comercial impulsada pola Asociación de Empresarios de Ribeira. Celebrarase esta fin de semana, os días 3 (venres) e 4 de xuño (sábado). O horario será o venres ata as 21.00 horas e o sábado ata as 22.00 horas. Segundo confirmou o presidente da patronal, Francisco Martínez Gude, van participar no evento máis de 40 establecementos, “un éxito rotundo de participación”. Destacan, por sectores e por participación dos mesmos, os de complementos, calzado, hostalaría, deportes, papelería e produtos de perruquería. Coma nas anteriores edicións os locais implicados achegarán grandes descontos á clientela.

Para “animar a campaña” o sábado a partir das 16.00 horas habilitarase na praza de España unha área de lecer para a rapazada, con inchables acuáticos e unha gran festa da escuma. Será unha actividade de balde para todas as nenas e nenos. Esta vertente de lecer complementarase na rúa de Lugo cun tobogán inchábel acuático de 110 metros, ao cal poderase acceder con tíckets de cmpra dos establecementos participantes na campaña.

A Noite Aberta está subvencionada pola Xunta de Galicia e o Concello de Ribeira.

Francisco Martínez quixo lanzar un convite á cidadanía da comarca na presentación do evento, celebrada esta mañá na sede da patronal: “Animamos a toda a veciñanza do Barbanza a vir de compras este fin de semana e aproveitarse dos descontos e da animación nas rúas de Ribeira”.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...