O Bloque Nacionalista Galego volveu poñer o foco na casa ruinosa de Padín, a carón do aparcamento do Gadis, que, segundo advirten, está a piques de esborrallarse e pode xerar riscos graves entre a cidadanía. Segundo o BNG, trátase da terceira vez que a agrupación insta ao Goberno local a “realizar de maneira inmediata as tarefas de consolidación oportunas ante o risco de que unha vivenda situada en Padín se veña abaixo”. A vivenda en cuestión presenta importantes gretas e fisuras.
Segundo o BNG, “é necesario realizar actuacións urxentes e inmediatas para consolidar a fachadas da vivenda que eviten a caída de cascallos como aconteceu esta semana”. O portavoz do BNG, Luís Pérez Barral, detallou que “non é a primeira, nin a segunda vez que notifican desta cuestión ao Goberno local pero este non actúa”.
Segundo Pérez Barral os desprendementos desta semana foron importantes “xa que obrigaron a impedir o acceso ao parque de Padín polo risco que hai para a seguridade das persoas”. E engadiu: “Disto xa informamos en abril e novembro de 2021 pero o señor Ruiz e o seu goberno non actúan, cando pensan facelo?”.
