A concelleira de Educación, Juana Brión, participou na inauguración da Primeira Mostra de Fotografía ‘O Xigante de Area’, unha exposición promovida polo colexio Pé do Corniño de Carreira que ten como protagonista o parque natural do Complexo Dunar de Corrubedo e Lagoas de Carregal e Vixán.
Neste senso, o alumnado está inmerso nun proxecto da investigación do parque e con tal motivo o centro convocou un certame de fotografía aberto a quen desexase participar coa fin de exhibir a súa
flora, fauna, paisaxe, postas de sol, actividades deportivas, etc.
dividíndoo en cinco categorías: “vivindo aquí e agora”, “vai de deportes”, “máis que prantas”,”máis que bichos”, “libre” e “de sucia mirada” (que reflicte aspectos negativos da pegada do ser humano no
contorno).
A mostra poderase ver de forma gratuíta ata o mes de setembro no Centro de Interpretación do Litoral dos Ecosistemas Litorais de Galicia (CIELGA).
