En Boiro un incendio nun piso do centro mobiliza servizos de emerxencias

Bombeiros Boiro

Servizos de emerxencias tiveron que actuar este luns, pouco antes das 15.00 horas, para sufocar un incendio nun terceiro piso dun edificio situado en rúa Estatuto de Galicia de Boiro. A gran cantidade de fume que se xerou danou a estancia, afectando en menor medida ao resto da vivenda. No interior da vivenda non había ninguén cando comezou o lume, pero as chamas afectaron a un electrodoméstico.

Bombeiros do parque boirense e de Ribeira, efectivos de Protección Civil de Boiro e da Policía Local e a Garda Civil interviron na extinción.