Dúas persoas reciben asistencia médica polos efectos dun incendio na súa vivenda en Noia

Dúas persoas reciben atención sanitaria debido aos efectos dun incendio nunha cociña.

Ocorreu pouco antes das once desta mañá nunha vivenda situada no lugar de Argote, en Noia.

Alí acudiron os equipos de extinción do parque de Bombeiros de Boiro e do GES de Noia, que foron informados polos xestores do 112 Galicia tras recibir as chamadas de alerta dos propios afectados. Segundo explicaron unha pequena explosión na campá extractora da cociña deu lugar a un incendio que danou a mesma campá e os mobles do arredor.

A causa do intenso fume, resultaron afectadas dúas persoas, unha muller de avanzada idade e un home, que, ademais, tiña pequenas queimaduras nas mans. Así, foron evacuados por unha dotación de Urxencias Sanitarias de Galicia-061 ao centro médico de referencia.