As mulleres do Barbanza mobilízanse este venres pola tarde en Ribeira contra a lacra das agresións machistas

A Asociación de Mulleres do Barbanza, “ante os incesantes casos de asasinatos machistas que se veñen rexistrando no noso país”, vén de convocar unha nova concentración co obxectivo de facer fronte común e esixir, unha vez máis, medidas contundentes contra a lacra da violencia contra as mulleres.

A mobilización contra as agresións machistas estará aberta a toda a cidadanía.

Celebrarase este venres 3 de xuño ás 20.00 horas. Segundo explica a asociación nun comunicado, “as mulleres non podemos quedar caladas ante unha nova escalada de asasinatos, polo que nos vemos na obriga de saír novamente á rúa para reclamar o remate desta lacra”.