O Concello de Ribeira vén de anunciar a adxudicación da obra destinada a dotar de saneamento municipal aos veciños do lugar da Cucheriza, situado na parroquia de Olveira. A empresa adxudicataria é Transmaser Excavaciones, S.L. e o importe estimado da actuación é de 80.226,33 euros.
Para alcanzar o obxecto vaise colocar un colector de PVC de 315 milímetros de diámetro e 956 metros de lonxitude dende a estrada DP-7103, dispoñendo pozos de rexistro cada 40 metros. A infraestrutura conectará coa rede xeral que vai de Artes a Corrubedo.
A actuación está incluído no POS+2021 e ten un prazo de execución de tres meses.
