A Pobra anuncia un proceso selectivo para a contratación de socorristas

10 Xuño 2022

A Administración local da Pobra do Caramiñal aprobou as bases reguladoras do proceso selectivo para a formación dunha bolsa de emprego para a contratación de socorrista, socorrista-xefa/e do servizo e persoal auxiliar de información de primeiros auxilios en espazos acuáticos naturais.

Este documento foi remitido ó Boletín Oficial da Provincia da Coruña (BOP) para, unha vez que se publique nel o anuncio da convocatoria, abrir o prazo de presentación de solicitudes. “No momento en que así sexa, darase conta disto a través das canles municipais”, informaron este venres 10 de xuño o concelleiro da Seguridade, José Andrés Lojo (Nós Pobra), e a súa homóloga do Persoal, Estefanía Ramos (Nós Pobra).

Lojo e Ramos detallaron o contido destas bases e incidiron en que o obxectivo é “ter un mínimo de 12 persoas contratadas no servizo para cubrir as praias da Lombiña, da Illa e, nas fins de semana e festivos, as piscinas naturais do río das Pedras durante os meses de xullo, agosto e mediados de setembro”.

Tamén engadiron que as probas selectivas realizaranse mediante “un concurso-oposición para a cobertura en réxime laboral temporal dos postos indicados e as persoas aspirantes deberán reunir unha serie de requisitos mínimos segundo o cargo”.

No caso de que se queira optar a contratos supeditados á subvención da Xunta dentro do Programa de salvamento e socorrismo, as persoas candidatas deberán estar rexistradas nas oficinas de emprego do Servizo de Emprego Público Estatal (SEPE) como demandantes de emprego para o posto de socorristas. A dita condición haberaa que cumprir no momento en que se formalice o contrato.

As solicitudes de participación faranse mediante unha instancia que se presentará na sede electrónica municipal ou no rexistro xeral de entrada do Concello da Pobra do Caramiñal no prazo de 5 días hábiles, que se contarán a partir do seguinte ó da publicación no BOP. Xunto coa solicitude débense achegar as copias simples da documentación requirida nas bases. Toda a información detallada está á disposición no taboleiro de anuncios do Concello e na referida sede electrónica (apobra.sedelectronica.es)

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

“Paz e despois gloria”. Luís Celeiro

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...