A festividade do Carme do Castelo recupera na Pobra o seu esplendor a partir do 15 de xullo

30 Xuño 2022

A festividade do Carme do Castelo regresa á Pobra do Caramiñal despois de dous anos sen se poder celebrar por mor da COVID-19. Para tal ocasión, o Concello e a comisión de festas lanzan unha programación cunha vertente relixiosa, cultural e lúdica. Ao acto de presentación asistiron o alcalde, Xosé Lois Piñeiro (Nós Pobra); a concelleira da Cultura, Patricia Lojo (PSdeG-PSOE); e o presidente e tesoureiro da devandita entidade, José María Abuín e Ricardo Santamaría, respectivamente.

As actividades arrincarán no 15 de xullo coa actuación de The Cachas & Cousins, ás 22.30 horas, na praza do Emigrante.

A xornada do sábado 16 estará marcada polo folclore galego. O lanzamento de bombas de palenque, ás 09.00 horas, anunciará o comezo do día para, ás 10.00 horas, dar paso ás alboradas polas parroquias a cargo de Caraveiros, Trécola e Pequenos do Barbanza. A tradición continuará con Arrancadeira, a partir das 13.00 horas, nos Xardíns de Valle-Inclán; e co pasabares con Faíscas da Pontraga, ás 20.30 horas. Xa pola noite, a praza Alcalde Segundo Durán acollerá, das 22.00 horas en diante, o VI Festival Folk con A Requinta da Laxeira e Pandeireteiras Sen Fronteiros.

A mañá do domingo 17 espertará, ás 09.00 horas, coas bombas de palenque para que, ás 10.00 horas, a música volva ás parroquias, desta vez da man de Xiada e Banda de Música Ateneo Musical da Pobra. Este último grupo retornará ao centro da localidade para ofrecer unha actuación ás 12.00 horas, nos Xardíns de Valle-Inclán. Pola tarde, ás 19.00 horas, oficiarase a Misa solemne na honra da Virxe do Carme na igrexa parroquial de Santiago da Pobra do Deán e, deseguido, sairá en procesión marítima. E a noite estará amenizada, a partir das 22.00 horas, por unha nova sesión da Banda de Música Ateneo Musical da Pobra, no Cantón da Leña.

Ademais, do día 8 ao 16 haberá novena no referido templo, ás 20.00 horas.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...