Publicada a listaxe provisional de admitidos na Escola Infantil Municipal de Ribeira

A Concellería de Servizos Sociais de Ribeira informa de que na páxina web municipal está publicada xa a listaxe provisional de admitidos para o curso 2022-2023 da Escola Infantil Municipal de Ribeira. A data de publicación das listas definitivas terá lugar o 27 de maio e o prazo de confirmación de praza será do 30 de maio ao 17 de xuño no Departamento de Servizos Sociais.

Servizos Sociais destaca que respecto ás mesmas datas do ano anterior hai un incremento do 50% de matrícula., porén, segue habendo prazas dispoñíbeis, “polo que aqueles que presentaron solicitudes con posterioridade ao 8 de abril ou presenten novas solicitudes ata a primeira quincena de xullo, serán obxecto dunha nova baremación nese mes para cubrir prazas, tendo en conta que o próximo curso principiará en setembro”, engaden dende Servizos Sociais.