M.A.- O JEALSA Boiro finalizou na duodécima posición no Campionato de España de categoría xuvenil masculina celebrado o pasado fin de semana en Guadalaxara. O conxunto dirixido por Adrián Alves pechou o campionato cunha derrota no partido polo undécimo posto contra o Arenys por 3-2 (19-25, 25-15, 25-22, 16-25 e 15-12).
O JEALSA Boiro compareceu en terras alcarreñas con baixas importantes como as dos lesionados Martín Casais e Héctor Barro, así como a de Diego Estrada por motivos persoais. Esta circunstancia propiciou que tres integrantes do equipo cadete cobrasen protagonismo en Guadalaxara.
Na primeira fase, o JEALSA Boiro superou ao Alkazar (3-1) e ao Salesianos de Guadalaxara (0-3), ademais de sumar unha derrota fronte ao Arenys por 3-1. Na segunda fase, os boirenses caeron ante o Cisneros Alter, que posteriormente se proclamaría campión, por 3-0, e contra o Barça Voleibol (3-0).
A loita pola novena praza comezou cunha axustada derrota contra o Cuenca (3-2) antes de medirse no último partido ao Arenys.
