O Concello de Dodro vai achegar na xornada deste sábado 28 de maio un obradoiro de creación e lecer á medida da rapazada e as familias. A axenda, que inclúe a creación de libros personalizados sobre lembranzas, anécdotas da casa de cada quen ou contos compartidos por grupos de amigos, estará aberta non só á participación dos máis pequenos, senón tamén de nais, pais, tías, tíos, avoas, avós e todos os integrantes da familia ou do grupo de amizades que queiran participar. O obradoiro comezará ás 11.30 horas e levarase a cabo na Biblioteca Anxo Angueira do CPI Eusebio Lorenzo Baleirón. É preciso confirmar asistencia a través do teléfono 881 867 041. A actividade será impartida por Pablo Otero “Peixe”.
