O alumnado da especialidade de pintura industrial do Obradoiro de Emprego Tahume VII, impulsado polos Concellos de Ribeira e o Son, está a realizar dende esta semana traballos de impermeabilización e pintado nunha praza situada na avenida da Coruña.
Os traballos que están a facer os integrantes de pintura industrial inclúen ademais aplicar unha nova urbanización a esta praza. Ademais, máis adiante está previsto que pinten tamén o aparcamento do complexo polideportivo da Fieiteira. Tamén veñen de facer traballos similares en edificios públicos do veciño concello sonense.
Lembrar que esta escola taller principiou a súa andaina en outubro e está sendo compartida entre Ribeira e O Son. Inclúe unha segunda especialidade en actividades auxiliares en conservación e mellora de montes. En total participan vinte alumnos-traballadores, dez por especialidade.
