Accidente en Boiro onde morre unha muller e un motorista resulta ferido de consideración

14 Maio 2022

Unha muller de 39 anos perdeu a vida nun accidente de tráfico rexistrado ás seis da tarde deste sábado en Boiro e cuxas circunstancias trata de esclarecer a Garda Civil de Tráfico, quen se fixo cargo da investigación. Varios particulares alertaron ao 112 de que dúas persoas estaban tendidas sobre a calzada tras caerse da moto na que circulaban pola estrada comarcal AC-305 ao seu paso por Cespón, pero non está claro se a vítima viaxaba na motocicleta ou se ía camiñando pola beiravía cando foi alcanzada polo vehículo. Ademais, no sinistro tamén se viu implicada unha furgoneta.

O único que está claro é que a muller, Sonia Alonso, que vivía preto do lugar no que se produciu o accidente, na recta de Vilariño, faleceu practicamente no acto.

Dotación de bombeiros do Consorcio Provincial Contraincendios e Salvamento da Coruña con base en Boiro A.D.C.Bomberos Boiro

Ás seis desta tarde, o 112 Galicia recibiu a alerta a través da chamada de varias testemuñas do suceso. Durante a comunicación cos xestores de emerxencias afirmábase que un dos motoristas implicado precisaba asistencia médica urxente e situaban o sinistro na parroquia de Cespón.

De inmediato, desde Centro Integrado de Atención ás Emerxencias (CIAE-112) avisouse a Urxencias Sanitarias de Galicia-061, que comunicou a mobilización do helicóptero medicalizado con base en Ourense, pero, finalmente, a súa intervención quedou descartada ao atoparse unha ambulancia con persoal médico no lugar do suceso.

Desafortunadamente, malia os esforzos do equipo médico desprazado ata o punto nada puido facer por salvarlle a vida. Así mesmo, confirmouse que o outro motorista ferido foi evacuada polos profesionais sanitarios ao centro hospitalario de referencia.

Compre sinalar que para prestar apoio aos equipos de intervención desprazados, desde o CIAE-112 pasouse aviso aos Bombeiros de Boiro, aos membros do Servizo Municipal de Protección Civil da localidade, aos axentes da Garda Civil de Tráfico e ao servizo de mantemento das estradas.

Outros artigos

Ribeira celebrará este domingo 25 de febreiro o seu Xantar de Maiores

O Concello de Ribeira celebra este domingo o Encontro das Persoas Maiores no Pavillón da Fieiteira. Espérase dar acollida a máis de 870 persoas maiores de 55 anos ou xubiladas. O evento comezará ás 12:00 horas coa celebración relixiosa na Igraxa Parroquial de Santa...

+

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...