Ribeira vai dispor en breve dun novo espazo axardinado preto do centro urbano, concretamente no barrio das Abesadas. Os traballos para materializalo, levados a cabo polos operarios da Brigada Municipal, comezaron a mediados da semana pasada. Os labores inclúen a plantación de trinta árbores na marxe do estacionamento disuasorio lindeiro coa avenida da Constitución.
En concreto, a especie que se está a plantar e a photinia, con trinta exemplares dispostas en ringleira de forma paralela á beirarrúa desta vía.
O Concello explica que con estas tarefas nas Abesadas “prosegue a dotación de novos espazos verdes na cidade, tal e como se fixo en meses pasados con actuacións emprendidas no paseo das Carolinas ou na avenida da Coruña”.
