Rianxo proxecta a curta “Rompente”, de Eloy Domínguez Serén

26 Abril 2022

O Auditorio de Rianxo acollerá o venres 6 de maio a proxección da curtametraxe Rompente, do cineasta de Simes (Pontevedra) Eloy Domínguez Serén. Será na sala Arcos Moldes do Auditorio ás 21 horas cando dará comezo a curta, despois do visionado terá lugar un encontro co director, produtor e protagonistas do mesmo.

O argumento da peza trata sobre a vida de Santi, un pai adolescente que vive nunha pequena vila costeira. De día traballa nas bateas e polas noites marisquea de maneira furtiva. Mentres, a súa moza Lucía asume en soidade o coidado do bebé de ambos, Santi, ausente e afogado pola responsabilidade, busca refuxio e redención no mar.

Entre os protagonistas da cinta atópanse o rianxeiro Sergio Baleirón (Santi) xunto con Soraya Luaces e Vicente Mohedano e algunha presenza máis de Rianxo que se irá descubrindo na curtametraxe.

Subliñar que a entrada para ver Rompente é de balde previa reserva na web do Concello de Rianxo. No caso de quedar localidades dispoñíbeis logo do proceso de reserva, poderán solicitarse na billeteira do auditorio dende media hora antes do comezo.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

A XI Regata Caiac de Mar do Concello de Rianxo celebrarase o 2 de marzo

Xa temos data para XI Regata Caiac de Mar Concello de Rianxo, logo de que o mal tempo do 10 de febreiro, data inicial obrigase a adiar a celebración. Finalmente optouse polo sábado 2 de marzo. Será a partir das 10.00 horas no porto de Rianxo. As saídas están fixadas...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...