O Concello de Outes xa ten cartel para o Pampallín 2022, unha festa que é moi festexada no municipio. A celebración retómase tras dous anos paralizada por mor da pandemia provocada polo coronavirus.
Desde o Goberno local informan que o lugar da celebración será a praza de Galicia a partir das 17:00 horas con xogos populares e inchables para a rapazada e xa a partir das 23:30 horas empezarán os concertos a cargo do grupo Familia Caamagno, Disco CDC e máis a charanga Brassica Rapa. Ademais de todo iso, haberá espazo para desfrutar da gastronomía grazas á instalación dunha polbeira.
