O Museo de Artes do Gravado acolle esta fin de semana un curso de fotoaugaforte impartido por José Fuentes

22 Abril 2022

Esta fin de semana (venres 22 pola tarde, sábado 23 pola mañá e tarde e domingo 24 de abril pola mañá) o Museo do Gravado de Artes (Ribeira) vai realizar un curso de fotoaugaforte impartido polo catedrático de gravado da USAL (Universidade de Salamanca), José Fuentes Esteve, acompañado por Antonio Navarro. A entrega de diplomas será o domingo, 24 de abril, ás 14.00 h, e está previsto que asista o presidente da Fundación do Museo de Artes do Gravado (FMAG) e alcalde de Ribeira, Manuel Ruíz Rivas.

O profesor José Fuentes mantén fortes vencellos co Museo do Gravado de Artes

A esta actividade formativa están anotados/as alumnos de distintas partes de España (Madrid, Salamanca, León, Lugo, A Coruña, Ourense, Pontevedra). O curso está patrocinado pola Deputación da Coruña en colaboración coa FMAG e o Concello de Ribeira. Coma en cursos anteriores traballarase con textos das grandes figuras da literatura galega, nesta ocasión coa poesía de Eduardo Pondal (Queixumes dos pinos / Rumores de los pinos), en homenaxe á gran figura do Rexurdimento galego. A idea do Museo do Gravado é realizar unha exposición homenaxe á figura de Eduardo Pondal coa edición dun libro ilustrado coas creacións do curso.

Visitas a Barbantiarte VIII e á Biblioteca Ilustrada do Museo do Gravado

O FMAG tamén informou de que esta tempada foi especialmente intensa no que a visitas se refire, tanto no relativo á exposición BarbantiaRte VIII como á Biblioteca Ilustrada do Museo do Gravado. Pasaron polo Museo do Gravado, entre outras entidades e colectivos, grupos da Asociación A Creba, da Escola de Adultos de Aguiño, do IES da Pobra do Caramiñal (Bacharelato) ou do Club Náutico da Coruña.

Recordar que a exposición BarbantiaRte VIII pode visitarse ata o 4 de maio. Neste momento visitaron a exposición máis de 700 persoas de distintos lugares lugares de Galicia e do territorio estatal, segundo informou a dirección do Museo do Gravado.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...