A Asociación Cultural Bailadela vai ofrecer o vindeiro sábado 30 de abril un espectáculo de música e canto tradicional titulado Nos longos sucos do trigo. Será en Ribeira, no Auditorio Municipal, a partir das 20.00 horas. A cita foi dada a coñecer este venres 22 pola concelleira de Cultura, María Sampedro, e por Manola Valiño en representación da entidade organizadora.
Manola Valiño explicou que esta era unha iniciativa que xa estaba preparada a principios do ano 2020 e que principalmente a raíz da pandemia houbo que adiar. O programa conta coa participación das pandeireteiras de Bairalela, así como das pandeireteiras de As 7 linguas da Asociación Francisco Lorenzo Mariño de Aguiño, o grupo de música e baile tradicional Chorimas de Queiruga e Kica Fernández Méndez, compoñente do Grupo de Teatro Municipal de Ribeira. Para a realización de audiovisuais, escenografías, iluminación e dirección escénica conta coa participación de Óscar Romero, director do citado grupo de teatro.
O espectáculo será gratuíto e de acceso libre ata encher aforo (277 butacas). A entrada será dende media hora antes do inicio sen reserva previa.
