A Pobra do Caramiñal encara a recta final do Entroido e para despedilo ao grande incorpórase unha nova cita ao calendario de actividades configurado para estas datas.
Segundo avanza o concelleiro da Mocidade, José Andrés Lojo (Nós Pobra), disporase dunha alternativa de ocio especialmente dirixida á xuventude. Así, no 5 de marzo, Discomóbil Chocolate estará animando a contorna da praza do Emigrante en horario de 22.30 a 03.00 horas.
O edil animou a veciñanza a asistir “para desfrutar o mellor posíbel e garantindo o cumprimento das normas fronte á COVID-19.”
