O Concello de Porto do Son vai activar este mes de marzo, a partir do vindeiro día 14, un Curso Online de Prevención de Riscos Laborais no Marisqueo a Pé. Serán 20 horas de contidos. Trátase dunha actividade de balde incluída no catálogo de formación puntuábel no baremo de marisqueo a pé, polo que as persoas participantes obterán 0,40 puntos.
Poderán participar neste curso as persoas empadroadas no Concello de Porto do Son. O prazo de inscricións vai do 1 ao 7 de marzo. Para calquera dúbida as persoas interesadas poden enviar un correo a jose.pazo@portodoson.gal. Hai 15 prazas que serán asignadas por sorteo. A inscrición pode facerse a través da páxina web do Concello de Porto do Son.
