O programa da Semana Santa de Noia vén este ano con oito procesións

Este martes 29 de marzo a Casa Parroquial de Noia acolleu a presentación das actividades relixiosas e culturais previstas este ano na axenda da Semana Santa local. Segundo fixeron saber, a festividade contará con 8 procesións, incluída, o mércores santo pola noite, a do Cristo da Misericordia.

Á presentación asistiron o párroco, José Ortoño, o alcalde, Santiago Freire, a concelleira Laura Salgado e representantes das distintas confrarías que forman a Semana Santa noiesa.

-8 de abril. Venres de Dolores

20.00 horas. Misa solemne na honra da Virxe dos Dolores. Procesión.

-10 de abril. Domingo de Ramos

12.00 Bendición de Ramos no Cantón e Procesión da Borriquita.

12.45 Procesión do Ecce Homo (saída de San Francisco). Pregón en San Martiño e regreso.

-13 de abril. Mércores Santo

21.30 Vía Crucis. Procesión do Cristo da Misericordia.

-14 de abril. Xoves Santo

20.00 Celebración da Cea do Señor, con lavatorio de pés. Procesión das Carracas.

-15 de abril. Venres Santo

10.30 Santo Encontro no Curro. Procesión.

20.00 Celebración da Paixón. Desencravo. Procesión do Santo Enterro.

16 de abril. Sábado Santo

22.00 Vixilia Pascual (San Martiño e San Francisco)

17 de abril. Domingo de Pascua

11.00 Procesión do resucitado. Saída da Capela de San Bernardo até San Martiño.