O CIM Terras de Iria estrea este sábado un audiovisual colectivo no que participan 35 mulleres de Dodro, Rois e Padrón

O Centro de Información á Muller Terras de Iria, integrado e impulsado polos Concellos de Dodro, Padrón e Rois, informou dunha importante actividade enmarcada no programa de celebración do 8M, o Día Internacional da Muller. Trátase da estrea do vídeo-clip Sororidade, un proxecto musical colectivo no que participan 35 mulleres da comarca do Sar, entre as que se atopan as seguintes: Marta Fernández Muñiz, Ana Muñiz Abuín e Carmela Caro Alcalde (empresarias e traballadoras do sector da pel), Milagros Gómez Reboiras (empregada forestal), Sandra Méndez Castro (representante da Escola Municipal de Música de Padrón) e Alba Romero Portas (pandeireteira).

Sororidade é unha peza musical tradicional, con letra e arranxos de Jéssica Beiroa Fernández, interpretada por 10 cantareiras de diferentes agrupacións folclóricas da comarca.

A estrea é o sábado 5 de marzo, ás 12.00, no Auditorio Municipal de Rois.