Un oficial da Policía Local de Ribeira ofreceu esta mañá unha charla a pequenos asistentes a O Xardín Ventureiro no ánimo de explicar os diversos labores que efectúa este corpo municipal na súa misión de protexer o libre exercicio dos dereitos e liberdades e garantir a seguridade cidadá.
A actividade que, foi proposta pola polo propio establecemento infantil, redunda nun dos propósitos da Policía ribeirense como é que sexa percibida pola sociedade como unha institución próxima á veciñanza e marcada por unha clara vocación de servizo.
No transcurso da charla os cativos incluso tiveron a oportunidade de coñecer por dentro un vehículo policial.
