A Asociación Galega de Lupus celebra o seu 25 aniversario cunha plantación no Parque de San Roque (Ribeira)

A Asociación Galega de Lupus (AGAL) vai celebrar este sábado o seu 25º aniversario coa plantación do mesmo número de árbores no parque de San Roque, sumándose deste xeito ao proxecto Landra que está a ter lugar na área periurbana.

A acción está programada para as 12 do mediodía deste sábado 26 de marzo e aberta a todas as persoas que desexen acudir. Está prevista a presenza entre outros do alcalde Manuel Ruiz.