Unha muller tivo que ser atendida ao queimarse nunha man despois de orixinarse un incendio na cociña dunha vivenda, por mor dunha tixola ao lume, en Muros.
Concretamente, o incendio provocou danos na campá extractora e no mobiliario da estancia.
Os feitos sucederon nun piso dun edificio situado en Louro, uns minutos despois das dúas e media. Nese momento, unha persoa particular alertaba do incendio ao 112 Galicia.
Acto seguido, o persoal do 112 Galicia puxo a situación en coñecemento de Urxencias Sanitarias de Galicia-061, do GES de Muros, dos Bombeiros de Cee e da Policía Local.
