Rianxo renderá tributo a Rosalía cun recital poético a carón do seu busto, no Paseo da Ribeira

Como non podía ser doutro xeito, o Día de Rosalía tamén se vai celebrar unha das localidades máis literarias da xeografía galega: Rianxo. Será 23 de febreiro, cunha axenda que inclúe homenaxes e lecturas dos textos da autora de Cantares Gallegos.

Os actos comezarán a carón do mar, a partir das 18.00 horas do mércores 23 de febreiro. Alí, na praza de Padrón no Paseo da Ribeira, diante do busto en homenaxe a Rosalía de Castro, terá lugar un acto de lembranza á poeta.

Realizarase un recital poético aberto á veciñanza, ás entidades asociativas e ao alumnado dos centros educativos.