Este venres 25 de febreiro celebrarase no salón de actos do Auditorio de Rianxo a presentación do poemario Verso Plural de J.L. Graña Muíño, publicado por Medulia Editorial. Será ás 20.30 horas.
No acto acompañarán ao autor, Adolfo Muíños (alcalde de Rianxo), os escritores Xosé Manuel Lobato e Xosé Ricardo Losada que recitarán textos da devandita obra poética con fondo musical de J.M. Espiñeira.
A reserva de localidades pode facerse en concelloderianxo.gal/reservas.
O crítico Armando Requeixo define deste xeito o devandito poemario dende o seu blog: “E unha poética que bebe dos clásicos para modularse como propia, íntima e social, individual e colectiva, ancorada no noso tempo mais que non perde de vista a raiceira da que parte”.