A condutora dun turismo necesita axuda dos equipos de emerxencias para saír do seu vehículo encaixado nun garaxe particular.
Sucedeu na Rúa Mangas, en Cabo de Cruz (Boiro), pasadas as doce deste mediodía, tal e como indicou a propietaria do inmoble na súa chamada ao 112 Galicia.
Ante a posibilidade de que houbese atrapados dentro do coche, os xestores do Centro Integrado de Atención ás Emerxencias de Galicia pediron a colaboración dos Bombeiros de Boiro e dos membros do servizo local de Protección Civil.
Efectivamente, no interior do coche había unha moza que tiña dificultades para saír. Sen embargo, bastou abrir o portón traseiro para poder sacar a persoa sen que fose necesario empregar o material de excarceración.
Para atender á ferida, acudiron os profesionais de Urxencias Sanitarias de Galicia-061.
