Este 10 de febreiro represéntase no Auditorio de Ribeira a obra Bravas, de Isabel Risco. Farase en dous pases gratuítos (10 e 12.15 horas) para os centros de ensino secundario.
Isabel Risco é a protagonista da función, que é o seu segundo espectáculo unipersoal, no que nos ofrece a súa particular visión da historia das mulleres galegas cunha proposta que foi galardoada na terceira edición do Premio Luísa Villalta da Deputación.
A peza, segundo lembra o Concello de Ribeira, fai un repaso histórico pola nosa era, desde a época castrexa ata o século XXIII: “É unha viaxe no tempo con paradas en diversas estacións, reparando nas pequenas e grandes historias protagonizadas polas nosas mulleres”.
Para este espectáculo, Isabel Risco ponse na pel dunha muller do rural galego de finais do século XXVII, dunha muller en loita en plena revolución industrial, dunha rapaza que descobre o mundo nos anos 60.
