José Ramón Romero, Sandra González e Zaida Rey incorpóranse á executiva provincial do PSOE en representación da comarca

A nova executiva provincial dos socialistas conta coa representación de tres políticos da comarca ocupando amais cargos de responsabilidade. Trátase do alcalde de Boiro, José Ramón Romero, Martiño; a concelleira de Noia e deputada provincial Sandra González; e Zaida Rey, integrante da agrupación socialista da Pobra.

O rexedor boirense quixo agradecer publicamente a confianza depositada nel polo partido, e por Fernández Piñeiro en particular, tras ser designado como novo secretario de Industria dentro da executiva coruñesa.

Xunto a el, intégranse na executiva a noiesa Sandra González, que asume a secretaría de Estudos e Programas, e a pobrense Zaida Rey, que formará parte do equipo aínda que sen responsabilizarse dunha área concreta.

Foto Psoe