O helicóptero Pesca 1 trasladou a un mariscador de 38 anos de idade a primeira hora da tarde o hospital Álvaro Cunqueiro de Vigo despois de que sufrise un desmaio na embarcación.
O home atopábase faenando nunha zona libre próxima á illa de Santa Uxía de Rúa, en Ribeira. Pouco antes das dúas da tarde, tripulantes doutra embarcación decatáronse de que xacía tendido na cuberta, polo que se chamou a emerxencias.
O centro de control de Salvamento Marítimo mobilizou ao helicóptero Pesca 1 e á embarcación Salvamar Sargadelos, procedendo ao seu traslado ao Hospital Álvaro Cunqueiro. Fontes hospitalarias confirmaron o falecemento do home veciño de Vilaxoán.
