En Ribeira presentadas 106 ofertas para catro licitacións de obras en Olveira, Palmeira e Santa Uxía

O Concello de Ribeira informou de que por segundo día consecutivo os servizos de contratación do Concello tiveron un intenso traballo coa apertura dos sobres C (ofertas económicas e referencias avaliables automaticamente) doutras catro actuacións nas parroquias de Olveira, Palmeira e Ribeira e que desta vez suman un total de 106 ofertas.

O lugar da Cucheriza

Así, no caso do saneamento no lugar da Cucheriza (Olveira) recibiu un total de 26 ofertas, mesma cifra que a da instalación de saneamento e abastecemento no Lugar de Lombas (Palmeira).

O lugar das Sidreiras, en Santa Uxía

As outras dúas aperturas corresponderon a outras tantas intervencións en Santa Uxía de Ribeira: por unha banda a instalación de rede de pluviais na rúa Sidreiras e transversal, con 28 ofertas; e por outra a pavimentación con plataforma única da rúa Rosalía de Castro entre Marcial do Adalid e a rúa Irmandiños, con 26.

Cómpre lembrar que na mañá de onte abríronse os sobres C doutras catro actuacións en Aguiño, Castiñeiras e Oleiros que aglutinaron un total de 102 ofertas.

A rúa Rosalía de Castro, en Santa Uxía