Co gallo da celebración do Entroido, o Concello de Outes organiza un concurso de disfraces e un desfile para celebrar o Enterro da Sardiña, unha das actividades do Entroido de máis fonda tradición no termo municipal. Será o día 2 de marzo, Mércores de Cinza.
Toda persoa que desexe participar neste concurso pode apuntarse cubrindo a folla de inscrición e enviándoa á dirección de correo electrónico animacion@outes.gal antes do 28 de febreiro, ou o mesmo día do concurso, antes das 16:30 horas, no Pavillón Polideportivo da Serra. As modalidades serán as seguintes: infantil (1-2 nenas e nenos de até 12 anos), individual (1-2 persoas sen límite de idade), grupo (cun mínimo de 3 e un máximo de 8 persoas) e comparsa (formada por 9 ou máis persoas).
O xurado estará composto por cinco persoas designadas polo Concello. A cualificación dos disfraces e comparsas terá lugar a partir das 17:00h no Pavillón e o xurado avaliará a orixinalidade dos disfraces, o carácter humorístico, o grao de elaboración, a escenificación e animación da representación, sendo este último punto tamén avaliado durante o percorrido do desfile.
Premios
1º clasificado 60 € (infantil) 230 € (individual) 400 € (grupo) 800 € (comparsa)
2º clasificado 40 € 160 € 260 € 510 €
3º clasificado 30 € 60 € 120 € 240 €
4º clasificado 30 €
5º clasificado 30 €
