O corpo dunha muller foi atopado nunha zona de monte, na Enfesta, no termo municipal de Santiago de Compostela.
Á unha e media deste mediodía, unha persoa particular comunicaba o achado ao 112 Galicia. Indicaba que un grupo de cazadores que se atopaban no monte, acaban de atopar o corpo dunha muller.
Así, con estes datos, os xestores do 112 Galicia puxeron os feitos en coñecemento dos profesionais sanitarios, dos axentes da Garda Civil, da Policía Nacional e Local.
Polo de agora, descoñécese a identidade da persoa, polo que, as forzas da orde traballan para identificar o cadáver e esclarecer as causas do suceso.
O pasado 7 de agosto denunciouse a desaparición dunha muller da zona, de 77 anos e enferma de Alzheimer da que informamos en “obarbanza.gal”, polo que non se desbota que sexa a desparecida.
